ފައިސާގެ ނޫޓު ހަލާކުވެގެން މިދިޔަ އަހަރުގެ ތެރޭގައި ދިވެހި ފައިސާގެ ނޫޓުތަކުގެ ތެރެއިން ދައުރުވަމުންދާ 391،957 ނޫޓު ނައްތާލާފައިވާ މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ. މަރުކަޒީ ބޭންކުން ބުނި ގޮތުގައި ނައްތާލި 391،957 ނޫޓުގެ އަގު 22.9 މިލިއަން ރުފިޔާއަށް އަރަ އެވެ. އަދި ނައްތާލި ނޫޓުތަކުގެ ތެރޭގައި އެންމެ ގިނައީ ވިހި ރުފިޔާގެ ނޫޓެވެ.
އެމްއެމްއޭ އިން މީގެ ކުރިން ބުނެފައިވާ ގޮތުގައި 2016އިން2022 އަށް ޖުމްލަ 1.28 މިލިއަން ނޫޓު ނައްތާލާފައިވެ އެވެ. އެ ނޫޓުތަކުގެ ފައިސާގެ އަގު 106.3 މިލިއަން ރުފިޔާއަށް އަރަ އެވެ.
ރާއްޖޭގައި މިހާރު ބޭނުން ކުރަމުން އަންނަ ނޫޓް ބޭނުން ކުރަން ފެށީ 2016 ގަ އެވެ.